邓萃雯听朋友意见北京试住　结果顶唔顺：遇到沙尘暴真系吓亲

近年邓萃雯离巢北上拍剧，观众都很少可以在电视前面看到她的踪影，雯女之前就漏口风想回港拍剧，她说：“喺街上面好多人见到我都问我做咩唔拍剧，但我唔系冇拍剧，不过系返咗内地。我都想返香港拍返剧，因为上面拍剧都系配音，剧本系普通话嘅，但我拍𠮶阵会自己转做广东话，到时后制配音。”

人人争住上北上拍剧，内地的环境是否一定比香港优胜呢？未必，雯女就话各有各好：“香港有样好，就系一定有冷气，大陆就冇嘅，一系好热一系好冻，不过所奏就慢啲，依前我喺香港拍剧系瞓都冇得瞓，所以各有各好啦。”

在大陆拍剧未必一定在大陆住，雯女坚持将大本营留守香港，每次拍完剧就会立即搭飞机回香港，“我冇喺大陆住过，或者咁讲，冇喺大陆生活过，我拍剧就系剧组度住，我份人好痴家㗎，离开唔到香港。”前几日还发生了一件搞笑事，雯女有朋友劝她试试在内地住，感受一下，因为在内地生活的话会多点接触剧本、认识老板的机会，她忆述：“咁我见朋友一直叫我返北京住，咪试吓啰，点知就遇到沙尘暴，真系吓亲，听讲北京唔常见，咁都畀我遇到，我仲有谂过未经历过沙尘暴谂住走出去试吓㗎，不过最后当然冇啦。”