陀B钟嘉欣夏威夷度假晒索爆水着相　囡囡Kelly靠可爱笑容抢Fo

复活节假期最啱一家大细享受天伦乐，靓妈钟嘉欣亦都同家人一齐去了夏威夷旅行，囡囡Kelly当然都有跟实妈咪啦。嘉欣亦有在她的IG上载度假期间的靓相，同大家开心Share。虽然嘉欣已经陀住第二胎BB，不过她身材依然好Fit，亦唔系太见到肚，其中一张她刻意摸住孕肚的相先可以见到她的复部微隆。

去得夏威夷又点少得阳光与海滩，陀住BB的嘉欣仲抱住Kelly到沙滩玩水，Kelly着得比较密实，件粉蓝色游水衣净系露出手仔同脚仔。相反妈咪嘉欣就性感得多，着上火红色两件头泳衣的她真系索爆，载住太阳眼镜仲星味十足，而呢张相仲清楚可以见到她胀卜卜的孕肚，隔住个芒都feel到她有几咁幸福。