张文慈觉得TVB同ATV最大的分别：“一厂真系好大，我成日荡失路”
撰文： 李妍桦
出版：更新：
张文慈今日出席“A记同学会饭聚”，虽然曾经系ATV嘅身分，但佢依家已经转台过咗去TVB拍剧，仲有份参与大台重头剧《深宫计》，今次系佢参与嘅第二部剧：“其实之前一部都系客串，今次先真系算系拍剧，好新鲜啊感觉真系，未试过拍古装剧，未试过去横店，真系好多第一次。”
原来Pinky 之前喺ATV都未试过拍古装，佢话TVB畀多好多新机会佢尝试，由ATV转TVB，张文慈感觉最唔同嘅就系觉得TVB好大：“一厂真系好大，我啱啱嚟𠮶阵成日荡失路。”好在今次《深宫计》都好多A记旧人有份拍，好似陈炜、张慧仪、谢雪心等，有老朋友好照应，“系啊，都好多旧人，但我就少同佢哋有对手戏，我同康华夹戏比较多，不过大家都夹得好好。本来谂住多女人会多是非，但又冇㖞，我哋依家拍完仲会约出嚟食饭。”