【丫鬟大联盟】黄心颖拍剧挨到病狂呕　返3日工凌晨4点先去急症

黄心颖今日拍摄《丫鬟大联盟》的结局场面，不过她就表示自己的戏份尚余2个星期工作。早前3月21日，黄心颖在Instagram贴出黑白自拍照，原来她早前身体抱恙。今日黄心颖接受《香港01》访问时，仍然会有几声咳嗽。“我谂我病咗前后都有一个星期。都未试过拍摄期间病得咁严重，可能因为长期冇得瞓，抵抗力好低。”

黄心颖：“一开始以为系普通感冒发烧，点知拍拍下顶唔顺，开始晕。跟住我就话可唔可以停一停，之后我就直情系叭咗喺地下。跟住我就呕咗一晚，应该系啲菌入肠，第2日我就真系返唔到外景，之后就再返厂拍，拍完之后就发烧，第2日就失声，跟住就觉得啲菌去埋只眼度，因为只眼开始变细。拍完之后，𠮶一晚嘅凌晨4点钟就终于去咗睇急症。”

真系听黄心颖讲都觉得辛苦。不过黄心颖就好“敬业乐业”，仲话个个人都系咁，带病返工其实都系平常事。“因为之后仲有一套剧开，所以就一定要返厂，真系唔可以停。我真系日日都返工，所以呢一刻嘅我已经嘅我系好好壮态。我冇赶可以配音，但系我一定要出现喺个画面。好无奈，但系我觉得都系一个责任嚟嘅。做得起其中一个主角，就一定要担得起呢件事。”