【三个女人一个因】次次输官司变御用败诉王 李国麟：我垫高主角
撰文： 冼燕珊
出版：更新：
TVB剧集《三个女人一个“因”》自播出以嚟好评如潮，最新一集讲述由李国麟饰演的检控官欧阳一波输畀由袁伟豪饰演的利东佳，有网民在讨论区直指李国麟次次打官司都输，就算唔系做律师都输，取笑佢输官司输足差唔多廿年，名副其实嘅“败诉王”。
《三个女人》剧情讲述利东佳首次以律师身份上庭，迎战师公欧阳一波。虽然东佳想到辩护嘅绝妙论据，但在出庭前发现当中盲点而自信尽失，眼见有机会败给欧阳一波，却因为以因一句话令东佳重新振作，令到形势逆转，一向被欧阳一波睇低嘅利东佳竟然成功打低师公。
李国麟从演多年，所演的角色成日输官司，令到讨论区的一众剧迷都封佢为“败诉王”，话佢18年前在《男亲女爱》中，饰演Miss Mo 嘅死对头鲍一柱(Alex Pao) 都系成日输官司，输到依家。远的不说，除咗《三个女人》，近少少嘅有佢于《溏心风暴3》中饰演嘅许雅麟，打官司都同告败诉。李国麟Long哥接受《香港01》访问，笑言多谢网民有留意他的演出，同时为所演角色不断败诉解画：“李国麟所演嘅角色通常都系一啲表面好强势嘅人物，其实佢哋都唔系一味输，初头都有赢吓嘅，但系面对主角人物，就算几强都好，都要输畀佢哋，用嚟垫高返个主角，呢啲剧情可以话系一条公式嚟。”