容易受伤的女人：周秀娜拍戏又整亲　博到尽唔锡身

周秀娜拍戏成日整亲，因为作为潮州女仔嘅佢，做嘢博到尽，一啲都唔锡身。娜姐目前喺泰国拍紧动作戏，佢喺IG Po咗几张自己打到周身瘀嘅相，不过佢依然面带笑容，似乎反而因为自己尽全力拍戏而受伤觉得满足，仲话：“拍动作戏，瘀是常识吧！”

作为一个靓女，咁唔锡身，只为“一系唔做，要做就尽力做到最好”，呢句座右铭似乎成日都可以喺娜姐身上见到。从娜姐入行由𡃁模做起，当日大胆喺闹市马路除剩三点式泳衣令佢声名大噪，后转攻电影界，陆续得到一些外国电影节肯定，先后获洛杉矶电影节及釜山亚洲新媒体电影节颁发“最佳女演员”，今年仲凭《29+1》入围香港金像奖最佳女主角。娜姐入行十数年走来不易，只因佢面对每个挑战都系尽力而为。