2018影视界十大现役美魔女　讲样讲身材完胜后生女

“美魔女”三只字相信大家一定唔陌生，更加深知被叫得做“美魔女”嘅话，年纪亦都有番咁上下。讲得咁白对女士嚟讲相当失礼，喺度讲声唔好意思，但亦都奉劝无谓再在意呢啲无意义嘅数字，因为美魔女们，讲样讲身材、讲肤质讲气质，你哋全部完胜班十几、二十出头嘅妹妹仔，而且直到呢个年纪、今时今日2018，仍然系电影、电视界别嘅抢手货。单单呢点，班后生女已经望尘莫及啦。

罗霖（52岁）

1991年亚姐冠军，之后转投无线，于1996年凭《真情》双双一角先较为令人有印象。罗霖同年嫁人做人妻，并逐渐减少幕前演出。直到2012年离婚，重新投入幕前工作，又以美魔女做卖点出写真，成功凭保养得宜嘅外貌同火辣身材成为美魔女佼佼者。2017年重返无线拍摄剧集《宫心计2深宫计》，该剧将于2018年中旬播出。

米雪（62岁）

邵氏影视艺员训练班出身，成名作为1976年佳艺电视的剧集《射雕英雄传》中黄蓉一角，就算历年来有众多女演员饰演过黄蓉，但仍有不少观众一致认为米雪最能演活俏丽可人的黄蓉。直至近年，她仍有参演很多叫好叫座的剧集，如无线剧《溏心风暴》、《宫心计》、《大太监》等。与罗霖一样，有份参演《宫心计2深宫计》，且剧集以外尚有电影、舞台剧等于本年度面世。

周海媚（51岁）

陈年旧事唔再讲，单单2014年凭《武媚娘传奇》喺国内爆红，就知年纪对佢嚟讲唔系一个限制，而且更提醒世人，当时已48岁嘅佢仍然靓到揼一声。之后每年都有剧拍，今年更有份再度拍摄新版《倚天屠龙记》，继1994年饰演过周芷若后，今次转演灭绝师太，相信呢位美魔女喺剧中依然吸睛。

陈炜（44岁）

炜哥相信唔需要多介绍啦，几乎晚晚都喺TVB见到佢，入晒屋咁制，而且剧集长拍长有。44岁仲咁挨得，而且仲有本钱经常晒三点式身材，三个字：“玩晒啦！”

杨卓娜（40岁）

经由胞妹杨怡推荐先开始有较吃重戏份嘅角色可以饰演，但当时已经33岁。不过佢之后愈演愈入屋，特别系处境剧如《谁家灶头无烟火》、《爱·回家》等。现时已成为TVB女配角级数中，较为重用的女演员之一。

张可颐（48岁）

除咗14、15年香港电视嘅《来生不做香港人》之外，张可颐喺香港嘅作品绝无仅有，但就Keep住每年一套内地剧，有时又会拍下电影，影视工作唔算多，足够就好。咁识享受生活，难怪48岁仲保持到当年无线花旦年代嘅花旦样。

袁咏仪（46岁）

有名你嗌靓靓，就算已经46岁，但都唔会差得去边！随住阿仔张慕童愈嚟愈大个，唔再黐身，靓靓近年亦重新再战幕前，特别系经常参与内地综艺节目揾真银。至于剧集方面，产量唔多，但聊胜于无啦。

佘诗曼（42岁）

1997年港姐出身，前TVB一姐、首位香港双料视后……名衔多多就知佢唔嘢少。“最当打年代”绝对唔适用于佢身上，因为一直以嚟keep住有产量有质量，更屈机嘅系样同身材同佢做女时无咩分别，难怪电影《栋笃特工》海报上一对美腿，就算佘诗曼讲到明对脚唔系自己嘅，但一样有人觉得尽管唔系不过都差唔远。

宣萱（47岁）

47岁仲系妹妹仔咁肤质白滑、身形窈窕，皆因食得健康、勤保养、适量运动！上年更凭《不懂撒娇的女人》再令港人对“宣萱”两字引颈以盼，特别系再度孖古天乐、林峰合作嘅电影《寻秦记》。

刘嘉玲（52岁）

哗！美魔女又点少得嘉玲姐，压轴位置非佢莫属。每年都有电影作品面世，每次行出嚟都有满满嘅女皇风范，而且经常以deep V晚装现身，姣好身材真系令人啧啧称奇。唔好话男性，就连女士们都心心眼，羡慕非常。