【翻生武林】TVB武侠片无进步？ 姜大卫：而家同拍电影差唔多
撰文： 林迅景
出版：更新：
姜大卫（John哥）在50，60年代起就开始涉足香港电影界，尤其是武侠片更是占了大多数，堪称是电影电视界的“武林高手”。近期TVB上映中的《翻生武林》，姜大卫同样饰演“武林高手”，演出实在是不减当年勇。
《翻生武林》可算是近年TVB罕见的武打电视剧，其中最大特色莫过于是剧中甚具怀旧色彩的“we轰轰”特效。姜大伟接受《香港01》访问时说：“《翻生武林》加咗‘we轰轰’之后，都几有怀旧感觉。其实都几过瘾，有咩经乜经。呢种拍法怀旧得嚟其实都几新鲜。怀旧得嚟我哋用咗新嘅手法，应该冇乜所谓。”
【翻生武林】简慕华离巢北上揾机会：只要自己有价值就有人需要你
问到现时千禧年代武侠片与60，70年代武侠片有甚么不同时，John哥说：“制作方面，而家武侠片多数喺内地拍，香港拍嘅大制作当然愈嚟愈少。但系我睇出面香港电影，小本都有小本拍法。虽然细制作，但系拍出嚟都唔似细制作。电视剧亦都一样，TVB咁多年都系拍得一模一样。但系呢几年已经有改变。例如以前全部都系3部机，企好位讲晒对白就得。而家佢哋嘅拍法已经同出面电影拍法差唔多。我哋无论厂景定外景，每一个镜头，就算系同样方向，无论系一大班人定系单头，灯光全部都唔同。但求出嚟每一场戏或者每个画面，观众睇落都会觉得唔同。”
所以将《翻生武林》与“旧阵时”的武侠片相比的话，看似一样，其实无论制作或后期都有很大改进。“we轰轰”特效其实只是一个向“旧阵时”武侠片致敬的手法。