【飞虎之潜行极战】黄宗泽唱插曲　真系有惊喜：最紧要大家开心

大家除咗觉得TVB争黄宗泽（Bosco）一个视帝奖座，仲觉得佢嘅歌艺好出类拔萃，好想佢可以出多啲新歌，再以声音感动听众。当大家以为要等多三五七年时，Bosco就默默地为歌迷制造惊喜，更在邵氏网剧《飞虎之潜行极战》发布会中，公开佢同吴卓羲合唱嘅剧集插曲MV，惊艳全场。

Bosco接受《香港01》访问笑谓：“老细叫到我唱，冇话肯唔肯嘅，我呢啲唱插曲嘅都系hehahae啫，最紧要系大家开心。其实本应系三哥（苗侨伟）唱，但佢唔肯。如果佢肯，阿峰（林峰）同MC Jin唱𠮶首点会系主题曲。（唔怕网友疯狂讨论？）冇问题啦，又唔系攻击你，最紧要大家开心。”

其实除咗Bosco嘅歌声，佢嘅衣著风格都系走在潮流尖端，令网友非常关注，盛赞只有佢可以Carry到。今日，佢就以紫色衫裤到场，先后外搭黑色、卡其色两件长褛，好有层次感。与Bosco探讨衣著品味时，他直言：“我就系咩都够胆试！个个都西装、打呔，依家我咁著，大家都多样嘢讲下吖。（钟意？）我接受架，我屋企都有唔少裙，褛都会买女装，但要著就睇场合。”至于咁著热唔热？他即逐层逐层揭畀大家睇：“里面冇嘢、假架，一啲都唔热。”