邝洁楹唔认同男友无楼就唔肯嫁兼要分手：一齐储钱买楼开心啲

香港首富李嘉诚日前发表言论表示，假如一对刚大学毕业的年轻情侣，女方已要求男友要有楼否则就不结婚，甚至分手，他建议该男友应回敬一句“你趁后生揾过个啦！”。新晋女神邝洁楹（Judy） 亦有留意有关报道，对于超人的见解，Judy说：“自己又唔系觉得佢100%啱或者100%唔啱，我都认为唔应该睇个男仔有无楼先决定结唔结婚，自己本身都唔睇人背景嘅。就算另一半无楼都唔紧要，只要大家一齐努力，方向一致，有共同目标去令件事达成就得，一齐储钱买楼会开心啲。”

Judy绝不会expect另一半带埋层楼来娶她，也不认同女仔因为男友无楼就要分手，但她确实认识一些识拜金女会睇人工作并专拣专业人士来拍拖，她坦言：“我唔钟意拜金主义嘅人，好难同佢哋做到好朋友。”咁Judy又会否劝这些拜金女早日甩开无楼男朋友呢？她说：“我自己就唔会教人分开，太儿戏喇。不过都要睇佢系咪真系好渴望过少奶奶生活啦，如果佢好想识有钱人，趁青春揾系好嘅。我有朋友要有车先肯同个男仔一齐添。”她指自己比较独立，也不用男友付晒所有使费，愿意跟对方一起分担。