【三个女人一个因】郭子豪为健美比赛日食5餐25碗饭：喊住食
《三个女人一个因》中方以因（黄智雯饰）与利东佳（袁伟豪饰）、Theo（陈智燊饰）之间感情线错中复杂。上集更讲到方以因与Theo分手，真系看得人咬牙切齿。不过，睇咗咁多集而又心水清嘅观众，应该会发现方以因的第三个“男伴”唐米尼（郭子豪饰）尚未登场。
郭子豪（Arnold）在《三个女人一个因》中饰演方以因（黄智雯饰）的第二人格“菠萝椰奶”的模型儿老公，并预计于第九集出场。其实郭子豪至2017年演出《亲亲我好妈》，就已经很有观众缘。皆因他是前A&F男模，一身阳光气色加上健硕肌肉就足以迷倒万千少女。不过，最近郭子豪却开始走向另类路线，不用穿三角泳裤，郭子豪：“都系平时大家睇𠮶种，不过条裤就长啲啲。咁就冇咁尴尬，哈哈哈，费事吓亲人。”
【亲亲我好妈】肌男郭子豪系A&F御用男模 万人迷弃工程师为拍剧
要参加健身比赛，郭子豪接受《香港01》访问时就话训练最辛苦：“最主要系准备紧6月同8月嘅比赛。12月到宜家大概上咗三十几磅，由原本170左右上到差唔多210磅。其实屋企好多衫都著唔落。同埋宜家都好勤力操，一个礼拜都起码5次，每次起码个半钟。喺健身室度食嘢，热身拉筋，夹埋都起码3个钟。譬如正常人体格每日要食2600卡路里。但系我每日起码要摄入5200卡路里，差唔多等于25碗饭，系正常人嘅2倍。一日5餐食好多饭，真系食到想呕。”
郭子豪：“𠮶种辛苦其实可以分3个阶段。第一个level就系头晕；第二个level就会呕，呕返你做gym之前食嘅嘢出嚟；第三个level就会进入饮醉酒状态，跟住教练叫你做，又会有力操。最辛苦就系第一个礼拜，胃口由食2千几卡路里变到食5千几卡路里，我真系食到自己喊，喊住咁食，曾经有谂过放弃。但系自己知道呢样嘢（健美比赛）系自己想做嘅，所以又会继续食。”
【三个女人一个因】林景程做戏先开心：物理治疗师唔能够成为兴趣
【三个女人一个因】陈俊坚终于有发挥：呢套剧系入行后最大的挑战
郭子豪讲到成个健身过程咁辛苦，其实为乜呢？郭子豪说：“其实好大程度系因为我老豆，佢帮我改个名叫Arnold（阿洛舒华辛力加）。其实佢都希望我大大只只。去到一个位，我就发觉自己再唔去比赛就冇机会，一来年纪问题，二来就越嚟越忙所以就想自己起一次台，一次就够，人生应该轰轰烈烈做一次。同埋我要话俾人知，我付出100%努力，系真系100%全力去做。”
以下有郭子豪健身图辑，佢真练好辛苦㗎