吴业坤向陈奂仁挑机　努力举铁脱毒

陈奂仁成功谷肌，睇嚟真系刺激起好多人嘅斗心，继杜汶泽话要挑机后(杜汶泽为去沙滩做足准备　追击陈奂仁变肌神：做唔到，我去死！)，最新一位加入战团嘅竟然系毒男代表坤哥吴业坤。其实坤哥之前都曾经一度想脱毒学人做下gym，亦曾经叫有啲成绩并且在社交平台PO下图炫耀下，可惜练练下又冇晒下文，肌肉照亦随之消失，打回原型做返毒男一条。

不过最近坤哥可能俾陈奂仁刺激到，终于的起决心重返健身室举铁兼做平板支撑，亦放埋图表示自己好有决心。睇相见佢手臂同大腿都开始练到啲肌肉感，兼且做到流晒大汗，真系好有决心挑战下陈奂仁。希望坤哥今次唔好3分钟热度，可以变埋肌男同陈奂仁杜汶泽一齐去沙滩啦。