【果栏中的江湖大嫂】林敬刚挨足24年冇揸流滩：hea做就被淘汰

Google 搜寻林敬刚，弹出来的是“凶神恶煞的坏人”，的确，在最近两套上映的电视剧《果栏中的江湖大嫂》及《翻生武林》都不是斯文人，恶形恶相想起的就是林敬刚。行内人都叫他做King kong，做恶人必定有火，林敬刚亦不例外，尤其演戏，在无线24年，或者没有人想到他曾经为事业流泪，“试过喊，我系咪唔得呢？点解做到咁？而家唔开心会同老婆讲，佢系我唯一倾诉对象。”

林敬刚94年入无线，未入行前曾经入过警校，后被李修贤睇中拍电影，辗转入无线当艺员，曾经是经理人合约，有过一些机会，但之后要为还骚开工，他自言那是最辛苦的时期“试过唔够骚，或者啲角色冇乜戏做，唔开心㗎，失眠㗎.....见到有啲同事有得发挥，自己就企喺后面，心谂如果俾我做就好喇。”遇到这些情况，最容易的就是积极变消极，但King kong团火24年从来没有熄过，现在播映中的两线剧集，角色不算太重戏，但他亦为角色设计造型及对白语气等，不过观众未必留意到，他说：“唔系要有人睇到先做㗎，做好自己本份先。”

林敬刚的情况，如果你是打工仔会很容易代入，试想像曾经有机会升职，之后年都没有出现晋升机会，更要在同一个岗位，想唔hea都难，但king kong没有，“呢个世界每分钟都有新演员出现，你hea做咪即系俾人淘汱啰，我唔想俾人淘汱，我仲想有机会，系咪要做主角唔系，有就当然最好啦，但我想要有发挥嘅戏，一句对白我真系无办法，但你俾一场戏我，我一定捉紧佢嚟演。”

当然不是讲有火，自我燃烧就算，在适当时间要争取，电视迷或者有留意，林敬刚在《守业者》有场喊戏，连主角马浚伟赞，原来这场戏原先剧本没有，是他向导演争取，“𠮶场戏讲我个妹（邵美琪饰）死，剧本有写但好平，我就同导演讲不如试下，有少少位讲我系为咗呢个妹喊，唔长架，得几秒，但我觉得系啱呢场戏，于是我就做一次俾导演睇，如果佢话跟剧本，咪算啰，但后尾佢都接纳咗。”娱乐圈是奇怪地方，尤其网络年代，随时一铺赚返哂，上年就出现了一个机会，“Big Big Channel有套《十兄弟》我估唔到自己有咁多戏，预告最后仲系我自己大头，我事后都send信息多谢导演，佢话好多大机会原班人物开拍，我都真系好希望系，正式开拍真系有我份。”