【夕爷讲鬼故】林夕鬼故集重见天日 《似是故人来》唔止系首歌？
《似是故人来》，直接提起你可能会想起梅姐梅艳芳的经典歌曲。不过《似是故人来》除了是梅艳芳1992年由林夕谱词的音乐作品外，其实更是一个鬼故小说集。
90年代初，《Yes!》旗下的《Yes! 鬼世界》面世，当时倪震邀请林夕每星期在杂志上刊载一个鬼故事，确实年份林夕说也不太记得了，大概在90、91年左右。结果一写便写到《鬼世界》光荣结业，于是1992年，林夕便把这些鬼故事结集起来，出版了《似是故人来》这本鬼故集。
一个好端端的词人，为什么会写出如此量产的鬼故事？林夕说：“呢啲鬼故事的确有一部份系无中生有，不过只系其中一两个。大部份都系听返嚟，又或者系我嘅个人经历，再将佢加盐加醋无限发大，令佢成为一个故事。”
夕爷强调：“其实真人真事嘅鬼故唔同写小说或拍电影，如果你认为会好似《阴阳路》咁包揽到十几集内容，又或者有齐前文后理、起承转合，唔好意思，其实全部都冇，真人真事嘅鬼故都系好简短。”
而夕爷也分享了他对这些“好兄弟”（灵体）的有趣看法，他把它们称为“无形众生”：“其实呢啲无形众生都系存在喺另一个国度嘅众生。试过有一个朋友去台湾工干住酒店，例牌瞓落床都会畀嘢压住啦，不过我呢个朋友就属于谈判派，甚至连呢啲无形众生佢都可以展开谈判。第一期谈判佢先用广东话喺心入面讲‘你唔好搞我啦，咁多人玩，我都好攰啦，你放过我啦，大家都揾食啫。’成件事佢都讲得好黄子华，其实系啱嘅，逢喺黑暗嘢都应该用幽默化解。不过讲完之后无用㖞，仍然郁唔到，于是佢灵机一触，就用国语讲多次，因为始终喺台湾，似乎国语比较贴地气，结果过咗一阵，佢就无事啦。”
夕爷更推介：“台湾早前有一套好流行嘅电视剧叫《通灵少女》，入面讲一个真人真事嘅灵媒，而呢个灵媒曾经出版过3本书都系讲自己通灵嘅经历，入面嘅纪录都好真实、冇夸张。例如佢话大家平时见到啲灵媒要舞剑，其实只系一个手续用嚟做个样畀人睇，否则无人会信。而照佢嘅理解，其实同灵界沟通唔系靠人类语言，而系类似脑电波，所以你点捍卫广东话佢都唔会听得明。”
夕爷更即场分享了真人真事的灵异经历，点击影片观看
如果大家觉得唔够喉就有福了，因为夕爷即将把《似是故人来》当中的鬼故事重新辑录，放上全新的手机应用程式“tbc……”。这个本地故事平台将于4月面世，以崭新的互动形式重新把故事呈现，一边配合图像、音效、短片、震动等功能，一边观看夕爷的鬼故事，都咪话唔惊！