高海宁曾遇变态阿伯贴实背脊行：有嘢顶住惊到唔敢出声

高海宁（高ling）出名样靓身材正，这晚她于兰桂坊夜场出席香槟品牌活动时，就穿上吊带低胸贴身开叉裙亮相，相当性感迷人，在门外已惹来大批途人向她行注目礼。高ling曾透露自己家教好严，就算长大后也极少到夜场玩，问到她出街时又会否经常畀人撩，又或是遇到狂迷跟踪呢？对此高ling说：“入行后又无乜㖞，反而入行前就试过遇到变态伯伯。”

原来高ling亦曾经遇过这类“#me too”经历，忆述起当时的情境依然历历在目，“我𠮶时读紧中三，住喺旺角要去铜锣湾读书，咁朝早返工返学啲时间地铁好多人，由油麻地去金钟𠮶段真系迫爆。有日有个阿伯跟喺我后面，贴住我背脊行，我完全系feel到佢身上有嘢顶住我，我转身避佢，佢竟然系跟住我转，一直痴到我实。我当时好惊又唔敢出声，由于太迫人同啲同学分散晒企，无得向佢哋求救，去到金钟站我终于忍唔住，推开晒啲人跑出车厢，啲同学都追咗上嚟问我咩事，结果发现我条裙后面湿咗，我仲因为咁𠮶日返唔到学，要返屋企换咗条裙。”

高ling话自己以前细个唔敢出声，但现在已经唔会再哑忍，一定会即时阻止并闹返对方，亦会挺身而出帮助其他人：“试过有次我喺地铁见到有个男人用手机偷影个女学生，个女学生瞓着咗擘开咗对脚，个男人就扮玩电话对住个女仔双脚中间偷拍，我即刻好大声话：“哗！你影乜嘢呀？！”隔离啲女士见我出声，都帮口闹埋一份，仲有个女人叫醒个女学生提佢要小心。”