吴岱融再唱新歌好感动　成班老死撑场搞到鹫哥眼湿湿

之前就讲咗有“金牌屎忽鬼”之称、64岁型伯鬼冢嘅种种都市传说，今次就转一转个话题，讲讲佢行内有边几个艺人同佢系Friend底。入行差唔多有四十年嘅佢，就原来同“鹫哥”吴岱融非常老友，今日佢更同欧阳震华、陶大宇、张兆辉、郭政鸿同廖骏雄齐齐去旺角支持吴岱融，为吴岱融嘅国语歌《我的朋友不简单》录音。出名饮得嘅鬼冢就成日拎住杯酒，一班兄弟就笑指他手中的是开声茶，而廖俊雄仲笑住话未来要揾人扶灵系靠呢班兄弟，成个场面都好开心好热闹。

相关文章：

绿叶王鬼冢系传奇设计师　造衫造到九龙城有成栋楼？
64岁型伯鬼冢签TVB打发时间　拍过五十套戏：有得演出已经开心

讲到首歌本身，吴岱融就话首歌自己有份填词，打算七月左右喺网上推出，而起初就知道大家都档期忙，所以都系谂住试下约，点知老婆钟淑慧逐一联络呢班兄弟，呢班兄弟又一个钟内话OK，令佢感动到眼湿湿。出名钟意搞Gag嘅欧阳震华听到呢番话后，就忍唔住话其实一班兄弟本身就冇嘢好做，根本就可以日日都嚟到，非常搞笑。