《Think Big天地》个个都做唔长？　前主持黄恺怡话你知原因

象征住一个时代嘅谭玉瑛四年前离开《放学ICU》后冇耐，无线就决心改革儿童节目，到2015年初更大换血，以余德丞、林希灵、黄恺怡同黄碧莲（之后李雯希同阮浩棕亦相继加入）等新人担任最新一代儿童节目《Think Big天地》主持。不过，眨下眼做咗三年几嘅“Linna姐姐”黄碧莲最近便正式毕业，令一班小朋友非常唔舍得，但其实佢嘅好拍档余德丞、林希灵同黄恺怡亦喺大半年前一齐跳出儿童节目另觅发展。

点解班主持做够两三年就走，唔似得谭玉瑛、盖世宝咁做咁耐时间？因为无线其实是想将《Think Big天地》打造成无线嘅“少林寺”，等一班新血可以参与幕前工作外，亦尝试度桥写稿、录VO等幕后工作，有咗一定经验后再转到其他工作岗位，最后成为瓣瓣掂嘅全能艺人。其中一位“元祖”黄恺怡（Jasmin）受访时谓：“公司原意都唔想你留太耐，做两三年就毕业试其他节目。”

Jasmin表示起初没有想过自己会加入《Think Big天地》这个大家庭：“大学毕业就入咗无线，咩都想试。虽然儿童节目系公司安排，但好开心可以喺度发挥，因为好多嘢都有份参与，做嘅嘢都涉及主持同Drama。（走时好唔舍得？）即使两年时间话长唔长话短唔短，但其实呢段时间真系每星期返足六日工，同一班主持、Crew同Writer都朝夕相对、好有感情。（仲有冇小朋友认得你？）平时出街都仲有小朋友认得，但系冇做《Think Big》之前咁多，都会揾我影下相嘅。”

跳出儿童节目后，Jasmin便加入娱乐新闻台，最近更参与节目《深夜美食团》的拍摄：“同以前真系好唔同，唔似儿童节目咁正路，要求嘅嘢都唔同。（跳出嚟时有冇担心过？）又唔算担心，因为畀人定位都唔系好事，但真系有谂清楚之后条路点行，了解返自己系一个点嘅人。（余德丞比你行得更前，有冇羡慕、妒忌？）唔可以咁比较，离开《Think Big》只系一个起点。我好戥佢开心，自从《夸世代》后多咗人识，佢系我哋榜样，等我哋知道只要努力就可以上到去。”

其实除咗加入《深夜美食团》外，佢都成日做大小活动嘅司仪：