张继聪仔仔张瞻IG表演魔术　表现淡定连郑秀文都畀Like

张继聪系童星出身，自细就浑身表演欲，佢同谢安琪嘅大仔张瞻（James）都遗传咗佢嘅演艺细胞，James今年虽然只系10岁，但同老窦一样，自细就好有表演欲。James除咗于去年开咗个YouTube channel，拍片做YouTubber，上月中仲开埋个IG account，不时拍片直播同大家互动，阿爸阿妈都即刻follow佢，仲喺自己IG帮个仔宣传添。

James日前于IG上载一条片，佢手持一条鞋带同铁圈表演魔术，将个铁圈隔空套落条鞋带度，再拎返出嚟，仲要系用全英文表演。虽然呢个系一个好Common嘅魔术表演，但见James非常淡定，成个表演Flow亦好流畅，临尾仲有一句：“Magic!”，有晒台型。就算开头有个小小失误，跌咗个铁圈，都无影响到佢，若无其事继续表演，对于十岁人仔嚟讲，呢个表现真系好专业。老窦张继聪好捧场咁留言大赞：“Amazing!”，仲有天后郑秀文都有畀Like。