绿叶王鬼冢系传奇设计师 造衫造到九龙城有成栋楼？
拍过五十多套经典电影的鬼冢，几乎套套戏都系做衣衫褴褛的烂仔，斋睇戏服好难话佢有Fashion Sense，但原名伍健忠的他除了演员这个身份之外，其实更是一个时装设计师，不但私底下著得潮爆劲有型，其主理的时装甚至是不少女性的Must Item，绝对是叱咤风云。当记者打算找他电话访问，讲讲加盟无线以及一些江湖传闻时，他便立即劲热情请记者影相兼面谈，更在记者面前连饮几杯啤酒，一个字讲哂：豪迈！
TVB仲签咗呢班绿叶王：
鬼冢的经历可说是一个传奇，11岁时在洋服店做学徒的他，就曾经做过车行等各行各业，但次次都被炒收场，到1985年才开了第一间自家品牌“鬼冢”：“喺旺角家乐商场开，之后又搬去柯士甸路，再冲出香港去澳门、北京、上海等地开分店。”
到2003年因痛风症而无奈结束生意的他，在2015年便开始重操故业做设计，整日制牛仔裤：“之前有个年纪有返咁上下嘅女人喺街截住我，话畀我知佢有条我整嘅裙烂咗都唔舍得掉，问我有冇可能整条新嘅畀佢，我话唔得喇，我退咗休唔整裙喇。”
作为一个传奇人物就一定有好多江湖传闻，当中就包括有人指鬼冢在九龙城伯爵街有一栋物业，他闻此即连声否认：“唔系！梗系唔系啦！（又有个故仔话你揸波士返电视城拍剧㖞，然后畀人抄牌，硬食咗张牛肉干，搞到成日人工冇咗。）其实我揸返工啲油都唔止啦，一条大直路都冇咗成旧水啦，架车咁大食。”
签TVB总有原因：
64岁型伯鬼冢签TVB打发时间 拍过五十套戏：有得演出已经开心
传闻当然不止一单两单，为香港引入不少大牌子的他，就被指当年有份所有型佬都趋之若鹜的神级电单车品牌Harley-Davidson。不过，他受访时便答谓：“唔系我引入呀，我钟意揸哈利啫。（引入过咩？）以前嘅嘢唔讲咁多啦，虽然都好开心，但我哋睇明天架嘛，不过好多日本牌子都真系我做嘅，但退休之后我都系玩多过做。”
问有否谂过开戏畀自己？他笑谓：“梗系唔会啦！因为严格嚟讲我唔系做呢行，不熟不做，做时装我就赢梗嘅，投资其他嘢就蚀梗嘅。我开过酒吧架，但系蚀到X街，因为自己饮哂啲酒，朋友嚟买一打我又送四打。”