薛凯琪分享个人精神胜利法：每个畀你攰嘅机会都系一个恩赐

薛凯琪（Fiona)平日除咗拍电影、拍剧、拍广告、唱歌，周围飞去做电影宣传之余，仲要营运个人时装品牌，真系忙到分身不暇，成日喺IG见佢凌晨先收工，但第二朝又好精神咁继续工作，究竟点做到？阿Fi今日出席护肤品牌活动，同我哋分享咗佢嘅精神胜利法。

阿Fi话唔可以带住你真实嘅好攰嘅心情同体魄去做嘢，因为咁样无嘢做得好，她话会每次觉得好攰，好想放弃嘅时候，会同自己倾偈，鼓励自己：“每一个畀你去攰嘅机会都系一个恩赐，可以不停工作喺我呢行嚟讲，代表好多人好爱护我，好支持我，畀好多机会我，所以先可以呢度做完活动，去第二度唱歌，然后再去拍戏，所以要感恩，我会同自己讲，可以攰都系一份礼物。”

除咗精神催眠自己，同鼓励自己，阿Fi话饮食同运动都好重要，可以令自己精神同健康啲：“以前会乱咁食嘢，虽然而家间中都会，但比较会识得保养，我的皮肤底子虽然好，但对尘埃敏感，又或者紧张嘅时候都会出现敏感症状，块面会出红疹，所以外敷要拣适合自己的护肤品，成份要天然，另外就系要做多啲运动，得闲跑吓步，增强抵强力，皮肤会好啲同无咁容易出现敏感症状。”