朴信惠孖宋茜@f(x)出席Chanel活动 执相竟执到惊现一对灵异脚？
今早朴信惠终于认爱细一岁嘅崔泰俊，据熟人指出朴信惠同崔泰俊一早就已经甜蜜拍拖，只系碍于两人各自关系先迟迟未能公布恋情，唔通朴信惠系怕影响2017年11月上映嘅韩国电影《沉默》先多次否认恋情？
近日朴信惠就同韩国女团f(x) 队长宋茜、韩国人气模特儿Irene Kim以及SOOJOO PARK一同出席喺巴黎举行嘅《2018F/W CHANEL Collection》时装周，朴信惠同宋茜、Irene Kim都有合照留念，朴信惠同Irene Kim更有各自喺个人Instagram公开合照，朴信惠更表情多多，又嘟嘴又摆V，拍拖真系令人心情特别靓！
宋茜都有喺个人官方微博宋茜工作室公开喺巴黎嘅拍摄花絮，当然MeU（f(x)粉丝）都有大赞宋茜“好靓”、“高颜值令人羡慕啊，关键还这么有才华，老天太不公平了”、“沉迷于宋茜无法自拔”以及“无以伦比的美丽”等等。
不过其中一张宋茜喺Chanel会场坐喺木凳上嘅相就出事喇！点解宋茜张相会多咗对灵异脚㗎呢？宋茜所坐嘅凳阔度刚好只够一个人坐，照道理说宋茜背后应该无人，而且凳下亦唔似装有镜子，唔似镜面倒影出宋茜嘅脚；同时从照片中睇嚟宋茜脚下嘅枯叶亦比旁边嘅枯叶厚而多，睇落仲有小小拱起迹象，唔通呢张相真系修图过度，修图师父连多一对脚都唔记得执返走？
另外，宋茜近日作为导师忙住拍《热血街舞团》（又称：《中国有街舞》），同台仲有EXO前成员鹿晗、陈伟霆、GOT7香港成员Jackson王嘉尔！不过想睇《热血街舞团》嘅K-pop迷就要等多一星期，因为3月17日先正式开播。
（观看更多） 崔泰俊朴信惠三度传绯闻 被Dispatch爆相今日终认爱！
下载《香港01》App，更多韩星靓相、影片率先睇！
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/