雨侨罗力威欧式喜帖曝光 经典品牌婚戒惹女士羡慕
3月31日将会举行婚礼嘅雨侨同罗力威，早前曝光嘅婚纱照引来哄动，大家都相当期待佢地婚礼更多细节曝光。来到单身嘅最后一个月真系忙到不得了，继早前佢地跟足传统过大礼后，呢日准新娘子雨侨喺IG上载简约风喜帖，宣布要开始“炸”宾客啦。不过最吸晴嘅应该系相片左边嘅小红盒，正式曝光来自经典奢华品牌嘅结婚戒指。
传统嘅红色喜帖信封，配上透白欧式喜帖，帖上印有佢地嘅婚礼Logo，用两个A字代表一对新人（Ava及Adason），两个字母背靠就好似喻意二人今后互相扶持。西式喜帖配上佢地将会喺浅水湾举行婚礼，感觉相当一致。雨侨留言话：“今天开始要轰炸大家咯，话说最近压力很大，也不只是因为要结婚，而是以我的性格会工作到最后一秒，最近我最治愈的活动就是入-红-包。话说当我知道猪队友把饼卡都入好了我觉得好伤心，他还问我要不要拆出来让我从头再入，治愈过够。”好闪呀！
不过留言再闪都不及左边嘅小红盒抢眼，盒内放上佢地嘅婚戒，从戒指盒及戒指款式，较粗身设计配上钻石，应该就系经典珠宝品牌Cartier出品，睇返官方网站，呢款设计嘅价钱由一粒钻嘅$16200至6粒钻嘅$41800一只不等，如果要加入个人化设计应该唔止呢个价钱。
其实早几日3号下昼，罗力威按传统习俗过大礼，并由阿威的家姊负责统筹。时下好多人过大礼都系懒人包套餐，但阿威做到足，Ava表示：“我爸爸妈妈从简都得，但男家好好，佢哋揾海味时，原来鲍鱼、发菜、冬菇等等都有好多唔同等级，好彩识朋友帮手，样样都买啲，意头啦。其实最紧要心意，㖊日样样都好开心、好满意，妈咪我都笑到见牙唔见眼。”
传统上过大礼时一对新人需要避席，一身红当当的准新娘 Ava喺屋企等待，阿威就陪家姊拎过大礼的大堆礼物到女家楼下，虽然阿威不能上楼，但就请亲友送咖啡俾 Ava 享用，小小的细心举动已令准老婆冧到不得了，Ava 说：“过大礼送埋咖啡，佢真系好细心嘅！过大礼之后我哋一家人去咗饮茶，将过大礼收嘅礼带返去长洲，因为我喺长洲长大，仲有亲戚系𠮶便。”