亚视翻拍《英雄本色》唔揾发哥？　吴雨话有钱都未必请到陈伟霆

亚洲电视总裁吴雨今日（5/3）出席“电视世界2018记者会”，有传亚视计划重拍经典电视剧版《英雄本色》，经吴雨Comfirm原来真有其事，佢就话：“剧集会同北京公司合作，依家筹备紧剧本，电影变成电视剧篇幅唔同，投资会好大。”

既然有大陆肯注资，唔通会揾返发哥出山？吴雨就话未必，仲话钱唔系问题：“国内演员好贵，吓吓都要过亿，钱解决到唔系乜嘢，最重要系演员档期。正如我同陈伟霆咁熟，以前问佢乜都拍，而家都要等等，因为佢有太多剧本，怕拣错。”真系估唔到以前“而我不知道谁是陈伟霆”红到有钱都未必请到佢，吴雨就打算一系就揾一线星，一系就揾新人搏一搏，听佢咁讲，唔通吴雨出埋人情牌都请唔到陈伟霆？