《偶像练习生》范丞丞唱Block B名曲 Jackson王嘉尔被吓亲？
昨晚又播出新一集《偶像练习生》，一众练习生就分到不同范畴如Vocal、Rap、跳健等，除咗要跟其他同类组别竞争之外，仲要同组内队员争第一，变成亦敌亦友嘅关系，不过睇足成集，一众练习生都已经抛开排名嘅忧虑，落力帮助身边嘅队员，务求呈现出最好嘅舞台畀全民制作人。
昨日第7集《偶像练习生》就已经公布咗组别排名，当中Rap组嘅竞争都非常激烈，蔡徐坤、黄明昊（Justin）联手表演GOT7王嘉尔（Jackson）嘅《Papillon》、喺《偶像练习生》当中，两人人气一直排喺上围圈，最终Justin黄明昊击败蔡徐坤获得组内第一名喜获额外奖赏5万票，而表演韩国男团Block B《Very Good》嘅范丞丞，就以368票力压Rap组练习生，成为Rap组第一取得5万票之余，另外更获得额外下先万票奖赏。
其实曾经参加过《Produce 101》Season 2嘅黄明昊（Justin）一路走嚟都好唔容易，佢透露一直以嚟都未做过Centre，一同竞争Centre嘅队员王子异让畀Justin时，虽然开心，但又未敢露出兴奋之情。事后Justin接受访问时表示就系好奇怪，但又带住莫明嘅开心，就好似细个收利是咁，大人畀利是自己，好想要但又碍于要睇自己爸妈嘅面色又唔敢收嘅感觉，惊畀人闹所以好纠结。不过Justin就系得到今次Centre，令佢可以赢到组内第一，排系Rap组第3名。
而Jackson喺练习过程时就教导本人solo歌曲《Papillon》组嘅蔡徐坤、Justin、卜凡以及王子异喺练习嘅时候要当系喺现场一样，要吸引台下嘅观众。而Jackson就大赞原先排名第一嘅蔡徐坤，表明钟意佢嘅Rap。Jackson其后又大赞王子异嘅词写得好好，仲吓咗佢一大跳，而且又Rap得好、唱得好，仲起埋鸡皮添！唔知迟啲有无机会可以见到Jackson同蔡徐坤、Justin、卜凡、王子异一齐合作表演《Papillon》呢？
《偶像练习生》Jackson王嘉尔@GOT7 以前辈身份传授偶像秘诀
下载《香港01》App，更多韩星靓相、影片率先睇！
我们01韩迷的facebook专页Kpop 01已经开始喇！
想知道更多韩国娱乐、饮食、玩乐、时尚资讯，快点去给like吧：https://www.facebook.com/hk01.kpop/