【开心速递】同苏韵姿真系挞著？ 阮政峰：满足大众需要啫
撰文： 黄梓恒
出版：更新：
今日《翻生武林》举行播映前的宣传活动，在席上的阮政峰近期凭著在《爱·回家之开心速递》入面饰演池子孝一角而备受关注，事关他在剧中跟苏韵姿饰演的红衫鱼做情侣大受欢迎，更加被传出现实中也因此而挞著，被传媒拍得在街上又揽又拖手。
不过今日他在接受《香港01》访问时便作出澄清，他说：“拍嘢渣，𠮶次我哋2pair人去影宣传照渣，如果唔系想出个post同人讲我会出场都无相post，所以𠮶次趁住四个都得闲，就去AIA因为够热闹，影定啲未来嘅宣传照，真实就唔系咁嘅。（你话过有机会发展？）哈哈，满足大众需要啫，我哋初初跳完手势舞，之后就个个都问我哋系咪一齐。我记得有个记者朋友问系咪一齐，咁我哋当时就直接否认喇，点知佢好唔开心，好失望，仲问我哋可唔可以答一个令大家有幻想空间嘅答案，咁我就答咗有机会发展喇。目前我哋系一对好信任大家嘅萤幕拍挡，同埋都倾得埋嘅。”其实做萤幕情侣都够喇，有时又未必需要真人都拍拖嘅！
【开心速递】Vivian何艳娟港大法律系毕业 为入娱乐圈放弃做律师
至于今次出演《翻生武林》，一套古装喜剧动作片，曾经参加过TVB武术节目功夫新星的他以为可以发挥所长，不过一场欢喜一场空，他说：哈哈！我系《功夫新星》入行，不过呢套剧我只系放飞针，完全无得打。当初接到呢部剧好开心，《翻生武林》㖞，终于可以用我嘅技能，系我觉得自己最强嘅技能，但原来我系无得打。喺套剧入面我系劲惊青，惊死，连偷袭都无，剩系讲救命呀、对唔住呀、点算呀、唔好打我呢啲，但我觉得系得意嘅，同埋人生流流长，第时实有机会打嘅。”讲得啱，现年才26岁的阮政峰其实真系大把机会，等吓喇！