陈奕迅夫妻游日庆生　王菲谢霆锋合体齐唱K贺寿　

撰文： 冼燕珊
出版：更新：
好耐无见过霆锋笑得咁开怀。

谢霆锋与王菲复合4年，一向都爱得低调，除了被人影到，从来都不会主动晒爱，不过二人近日陪陈奕迅夫妇去日本度假，提前同徐濠萦庆生，一行人去咗唱K，阿徐拍低老公同老死唱K过程，谢霆锋同王菲同框之余，仲有天后歌王合唱。

陈奕迅（Eason）同王菲一齐合唱«因为爱情»，Eason很casual地坐著唱，而阿菲则站在台上，配合返佢嘅天后风范，一班同行友人可以咁近距离听两位唱歌，真系有钱都买唔到呢啲机会。

陈奕迅同王菲去K房合唱佢哋嘅合唱歌《因为爱情》。

以为歌手会唱厌自己啲歌，估唔到佢哋去到K房都仲会点返自己嘅歌，除咗Eason阿菲唱返佢哋合唱嘅«因为爱情»，霆锋亦点咗自己翻唱过英文歌«Better Man»，而Eason都有唱返霆锋嘅« 因为爱所以爱»，霆锋坐喺Eason隔离，笑得非常开怀，难得一见霆锋笑得咁无负担!

王菲加谢霆锋加陈奕迅，呢个组合，依家就算内地再有钱嘅电视台都请唔郁，但佢哋竟然私底下轻轻松松就凑埋一齐唱K，成件事真系好梦幻!

阿菲企喺台上唱歌，配合返佢嘅天后风范。
一行人去日本，顺便同徐濠萦提前庆祝生日。