游日港妈影人相批斗唔让座 周奕玮：日本有肖像权唔可以乱影
撰文： 张嘉敏
出版：更新：
在香港公共交通工具上的关爱座似乎已变成了批斗座，因为坐唔坐同让唔让座的问题经常都会被放上网公审，而呢股风气还吹袭到日本。近日有港人在日本旅行时因为在列车上见有年轻人坐关爱座，却未有让座给年长的她，于是影了对方相兼放上facebook闹爆，又指责那些年轻人在车厢中进食。结果引来网民热烈的讨论，不过网民都是批评这位出post者唔啱，话日本人唔钟意让座同被让座，就算年纪大也不是“老冯”有得坐关爱座，又话其实当地的列车上是可以饮食的。
近日凭住无线旅行节目《周游东京》人气急升的艺人周奕玮 (Jarvis) 对日本文化相当熟悉，问到他日本人是否真的如网民所讲唔钟意让座同被让座，他说：“日本人都有唔同嘅性格，让唔让座同接唔接受人让座都好睇个人，但系日本人普遍都唔钟意畀麻烦人，唔想影响到人，觉得自己会失礼，咁当然唔系绝对嘅。同埋日本嘅优先座系唔可以用电话，就连隔离啲位置都唔可以用，因为手机嘅电波会干扰到高龄或残疾人士配戴嘅心脏起搏器，坐优先座就可以避免，呢个先系当地优先座嘅作用。”
相关文章：
【周游东京】神社参拜开运小知识 周奕玮：御守有期限非keep一世
而当Jarvis看网上这个讨论时，最在意反而是投诉人影了年轻人的相兼且放上网，他指出在日本绝不能擅自影人相。Jarvis说：“日本人个样系有肖像权，我唔知网络上嘅rules系点，但喺日本国内未经人同意系唔可以影人相，所以啲电视节目会帮人打格，一定要问准咗当事人先影得，如果无问过就系侵犯肖像权。我哋个节目入面每位出镜嘅日本人都系问准过可以影先会影。虽然我唔知犯咗肖像权法有咩惩罚，但大家都会去遵守。”他又谓近年多了外地游客游日，很多地方都多了告示叫人唔好乱影相。