Tony An@H.O.T.连续7日“畀鬼压”兼摸胸 最终亲自请走长发女鬼!
韩国一世代男子组合H.O.T. 5名成员文熙俊、张佑赫、李在元、Tony An同Kangta经《无限挑战－星期六星期六是歌手》（六六歌）环节，事隔17年再次重组，感动一众Club H.O.T.（H.O.T.粉丝），就连冇票嘅搞笑艺人朴智宣都专程去到场馆门外跟一众Club H.O.T.一齐应援，到节目播出当然整喊唔少“成诗媛”（请回答1997中，Apink恩地饰演的H.O.T.狂饭）！
H.O.T.重组当然引起Kpop界关注，其中Tony An喺H.O.T.解散后“畀鬼压”一事更被大家重提！话说Tony An曾喺韩国综艺上大爆喺H.O.T.解散后，大约于2005年5月经历一件令人毛骨悚然嘅事！Tony An话𠮶排成日畀鬼压，每到夜晚就会喺房到见到一名长发女仔！如是者过咗7日之后，开始觉得好奇怪，因为原先只系感觉到长发女仔冰冷嘅眼神，点知突然之间觉得有人压喺自己胸口上面，吓到Tony An即刻打开眼，发现呢个女仔企喺床边摸佢心口，同时发觉自己瞓觉之前都仲好哋哋，衫都系着得整整齐齐，点知起身𠮶阵就发现自己竟然衣衫不整，就连放喺床边嘅嘢都会消失！令到Tony An每日都生活喺恐惧中！
经过一星期煎熬之后，H.O.T.的Tony An实在太攰要提早返屋企休息，但佢又好惊继续畀鬼压就打算睇电影减低睡意，点知突然之间Tony An屋企竟传出音乐声，即时又吓到Tony An弹起！因为Tony An知道呢个并唔系自己手机铃声，因而找寻声音来源。最后竟然发现喺厨房洗手盆下面个柜有个女仔瞓咗喺度，吓到Tony An脚到软埋啊！
H.O.T.的Tony An最后发现呢个女仔原来系佢嘅私生饭，因为一直跟踪Tony An又私下打听佢屋企嘅门锁密码，所以成功潜入Tony An屋企，仲晚晚望住Tony An瞓觉同偷走佢嘅生活用品！不过心地善良嘅Tony An@H.O.T.就谂住呢个女仔其实唔系想害自己，最后都冇报警甚至叫醒佢亲自送佢出门，更好用心咁劝佢以后都唔好咁做。事实上，今时今日重提Tony An“畀鬼压”事件都令人好震惊，同时更令Kpop界再度关心私生饭问题，fans们真系要留多啲空间畀自己偶像啊！
请回答1997！Apink恩地晒扁咀相 睇完H.O.T《无限挑战》感动到喊
下载《香港01》App，更多韩星靓相、影片率先睇！
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/