【一路向西伯利亚】黎学勤系香港水球队代表　玩埋赛车做城城队友

ViuTV播映的《一路向西利伯利亚》已经来到尾声的最后一个星期。相信观众都会一边睇一边葡萄节2位男神主持黎学勤（Jeffery）与莫竣名﹙Louis﹚，可以“旅行为名，沟女为实”周游列国识女仔，揾美女当导游。当中2人更要进行比赛以求赢得异国美女的欢心。不过，据非正式统计显示，睇节目以女性为主，其中又以黎学勤（Jeffery）较多人讨论。点解？因为最近Jeffery除了出现在ViuTV节目上，更有Trivago广告在TVB日播夜播，真系听到声都认得个样。

讲起《一路向西利伯利亚》呢个节目，其实唔少睇过嘅网民都提过一件事：“Jeffery同Louis 2个男仔去旅行真系有少少hehe。”估唔到，连主角之一嘅Jeffery都好认同呢个讲法。“咩少少hehe吖？好hehe添吖呢件事。因为我哋拍节目唔止拍女仔，喺西伯利亚铁路好多时候都系我同Louis一齐瞓。”

黎学勤（Jeffery），可能大家只系记得佢拍过广告，做过节目。再深入啲了解，原来他入行前仲做过电脑保安、游泳教练、读过IVE、又读过公开大学。兴趣运动涉猎更广，16岁的时候是香港水球队，做model入行之后更接触泰拳，又曾经与郭富城同一间赛车队。黎学勤：“佢有个叫做FRD嘅车队，最初代就系关邵昌先生。我都系喺𠮶度学formula嘅。”

当初他选择入行，其实原来都有段故仔。黎学勤说：“我本身系教游水嘅。之前系因为妈咪唔舒服，病咗。所以我未读完书毕业就出咗嚟返工。教教下游水就有朋友介绍，不如就上去casting啦，所以我就上咗宜家经理人公司。当时公司就话：‘不如签你做model啦。’但系𠮶时我又唔系咁想住，我又想做下freelance先。后尾拍咗几个广告之后，我先自己敲返门，话我想做返model，可唔可签我吖？”宜家有得睇《一路向西利伯利亚》，其实都要多谢当时位介绍佢入行嘅朋友。