【预算案】江嘉敏话派钱最好年年派：之后无会好伤心

相信今日最多香港市民讨论的话题，应该是最新出炉的财政预算案，虽然政府库房水浸，但都只是派糖不派钱，其中打工仔就可获上限3万元退税。以往都有交税的江嘉敏 (Kaman) 当然都可以受惠，但就不会退到3万元咁多，她说：“我交4位数，唔系好多，因为有两个妹要供养，妹妹仲细读紧书，有免税额帮轻咗，但退到少少税都开心嘅，可以帮补家计。”

对于政府派唔派钱，Kaman就觉得无咩所谓：“因为佢派得一年，我就会期望佢之后都继续派落去，如果佢净系派今年，下年唔派，再下年又唔派，咁我宁愿无喇。因为畀得一年我就会有个expectation喺度，如果之后无，我会好伤心。”提到几年前其实派过一次$6000，Kaman即说：“唉，唔好再讲，𠮶次我真系伤心，因为𠮶时系年满18岁嘅香港人先有，我系17岁几，仲未够18岁所以就无受惠，好唔抵啰。（依家情愿唔要？）唔要呀，哼。”