徐天佑日吞30只蛋白变钢条 爆肌最大魔鬼系太太：佢在旁边食大餐
撰文： 温菁莉
出版：更新：
下个月初将在红馆再开演唱会的Shine，月初又南就上载了自己操肌的照片，差不多逼爆mon的胸肌同手臂，吸引不少女粉丝注意同尖叫！！当时又南接受《香港01》访问时就透露过拍拖天佑都有密密操肌，大家都以为佢得个讲字？天佑终于在今日中午就在facebook上载自己的成果，虽然就未有又南咁咁筋肉型，但4嚿朱古力的腹肌同埋好多男士梦寐以求的人鱼线，女粉丝睇到这里真的是心心眼又要出动！徐天佑接受《香港01》访问时表示，“太太经常叫我po相俾大家睇下成果，我都觉得同钢条身型越来越近！”
天佑为了今次演唱会实在唔话得，由去年12月开始就开始地狱式餐单，他笑言自己唔系好钟意食肉，“所以太太就会煲汤，入面有海鲜同菜咁，当然每个星期都会有俾自己放踪下一日，但依然要食30只蛋白。”问到太太见到自己咁，有无意思一齐keep fit时，天佑就即刻话，“佢话唔好搞佢，所以我食紧呢啲餐单嘅时候，佢就系旁边食大餐，佢都有问我想唔想食呀？当然我无食喇！”至于有无参考下拍档又南个套操肌方法？佢就话大家健身目标都唔同，所以无特别同对方请教，但他们心目中都好支持对方，呢啲咪好兄弟！
天佑在hashtag就透露了自己 今次目标是钢条身型 ，同时亦向偶像李小龙致敬，另外亦po出自己的keep fit餐单，“由2018年计起，每日三餐共30只蛋白 x 53天 = 1590只蛋白；减去受伤延误共2小时健身 x 38日 = 76小时健身、15200次Sit up、共150公里跑步”，他更笑言自己每日练歌练琴练舞，感觉好似一个运动员。每日食30只蛋白，究竟系咩玩法？BTW见到他咁有毅力，真的不能不说一句意志有几坚定先坚持到。