81岁余慕莲后生坚索 唔会返TVB拍剧：要挨更抵夜太辛苦喇！
撰文： 张嘉敏
出版：更新：
入行演戏逾60年，所演角色大部分都是丑女或丑角的余慕莲 (余毛姐)，在镜头前似乎从来都无靓过，近日有网民重温一张她少女时代的黑白照片，相中的她轮廓突出，成个小淑女咁，不少网民都大赞她长得好似混血儿咁靓女，又话估不到她少女时的样子曾经咁标致。香港01记者就电话访问了余毛姐，现年81岁的她依然非常好记性，她说：“呢张相系我11岁时拍紧电影《临老入花丛》影嘅，呢套戏系梁醒波第一部电影，佢演我老豆。我阿妈系做电影，所以我细细个已经成日跟佢入片场，做下啲特约演员。”
对于网民赞她年轻时靓女，余毛姐笑言多谢大家支持，提到从影多年所演的几乎都是一些丑/丑角，她竟然说：“好呀，咁先无人同我争吖嘛，唔系点畀我喺呢行做到成60年呀，以前我做无线剧集《真情》个秘书都几靓吖。我唔介意自己唔系做靓女㗎，我钟意演戏之嘛，最紧要观众钟意睇。我觉得自己好有观众缘，依家出街都会有人走埋嚟叫我，话好耐无睇我做戏喇。”余毛姐果然十分豁达，仲话作为演员可以令观众睇她的戏睇得开心就够，还笑言：“我登台𠮶时咪可以靓啰。”
已经81岁的余毛姐身体仍很健康，亦继续幕前的工作不言休，除了演戏，也经常去登台，例如会同旧拍档卢海鹏、罗兰和胡枫等一起登台演出EYT之夜。她说：“托赖身体无病无痛，早前先去完吉隆坡旅行，嚟紧会去新加坡登台，顺便去玩下，我好钟意去旅行，趁仲行得走得四围去下。”而拍戏拍剧方面，她一定不可以太辛苦的：“我依家自由身，有帮奇妙电视同ViuTV拍剧，我唔签长约喇，可以拣嘢嚟做，唔系为钱嘅。(会唔会返TVB拍剧？) 梗系唔返啦，要挨更抵夜，TVB之前都叫过我两次，我话好多谢佢哋，但我年纪大挨唔住喇。乐小姐 (乐易玲) 几年前都有问过我点解唔签长约，我份人钟意无牵无挂。”