【黄昏恋】吴香伦幸福含泪拍婚照　陈荣峻：继续做你嘅人肉闹钟

一对情侣能够携手走进婚姻，除咗要相爱，其实仲面对住重重困难，年轻人可能面对金钱住屋问题，上咗年纪嘅恋人一样面对双方家人嘅压力。由田蕊妮主持嘅《1+1的深情》，最新一集揾来陈荣峻吴香伦担任嘉宾，仲揾来陈荣峻囝囝以及吴妈妈惊喜现身，令呢对准新人感动落泪。

【情人节】袁文杰拍拖七年霸气第一次送花　女友张洁莲感动到喊

2017年12月8日TVB盆菜宴上，62岁嘅金牌绿叶陈荣峻当住2000人面前，下跪向拍拖3年，现年57岁嘅女友吴香伦求婚。呢段黄昏恋能够开花结果令唔少人都相当感动。节目中回想起佢地第一次见面，原来系2011年剧集《怒火街头》中饰演根叔根婶，田蕊妮取出电脑播放当年嘅片段：“你一定要讲真话，我地先可以继续做到夫妻。”吴香伦喺戏中嘅呢段对白，就好似佢两个真实写照一样。

62岁金牌绿叶陈荣峻向吴香伦求婚　2000人见证：好希望佢能够开心

62岁金牌绿叶陈荣峻与吴香伦相恋 　黄昏恋好pure：想畀个名份佢

佢地两个嘅相处，就好似学生puppy love一样，陈荣峻会整蛊对方话系吴香伦做主动约佢去唱K，田蕊妮问到底点样正式喺埋一齐时，又会话：“做戏都有做啦，过马路借头借路拖手仔，无俾人Fing开咪即系接受咗啰。”节目中揾嚟帮手策划求婚嘅黄翠如，原来佢成日都向陈荣峻施加压力，叫佢快啲向Helen求婚，“我呢啲老嘢求咩婚呀？”“你唔求婚鬼嫁你呀？咁你想同佢一世𠮶个想你求婚呀嘛。”结果就成就出盆菜宴下跪一幕。

人生匆匆数十载，能够去到临近退休年龄觅得真爱实在唔容易。节目中陈荣峻同囝囝阿聪一齐接受访问，讲到当日展开追求前，陈荣峻拎住幅相问囝囝意见，阿聪坦言当时有点吓亲：“𠮶下打个突好愕然，妈咪走左唔系好耐，但之后谂返其实都走咗三四年，自己都成日谂爸爸系咪应该揾返个伴，妹妹曾经私下话感觉上好似对妈妈不忠，但我就觉得妈咪人都走咗，佢都会想爸爸开心。”

其后阿聪更亲自向吴香伦道谢:“妈妈刚走咗𠮶段时间爸爸真系好崩溃，甚至曾经谂过自杀，所以多谢你，多谢你救返佢，呢件事真系衷心多谢你，陪伴佢行下半生。”田蕊妮亦读出陈荣峻囡囡嘅亲笔信，能够得到家人祝福，令陈荣峻吴香伦都感动落泪。