何猷启送女友超大粒钻戒　疑似求婚成功“She said yes”

一踏入狗年嘅第二日，又传来一件喜事呀！讲嘅就系赌王嘅仔仔何猷启今午在微博上上载一张女友无名指戴住钻戒嘅相片，仲留言话，“She said yes”之后仲加上爱心emoji，疑似是求婚成功，有不少网友都话猷启大个仔，纷纷送上祝福。

其实去年5月猷启才与以色列籍女模Angelika分手，其后就专心替母亲陈婉珍打理内地生意，并指是长驻内地关系，从而认识内地女友。正所谓Long D唔容易呀，所以猷启就在去年平安夜同样在微博上公开恋情，摆明派定心丸俾女友。而他其后接受访问时亦透露觉得关系稳定才公开。估唔到短短两个月就话求婚成功，果然厉害，之后他接受传媒访问则指今年是新一页，相信到时婚宴都系大搞喇！