【情人节】邝洁楹锡住男友荷包：最怕要喺呢啲节日使咁多钱

今日系情人节，在这个情侣最重视的日子，各位男朋友要识做喇，送花可能是最多人做的指定动作。究竟系咪系女仔都要在情人节收花呢？新一代宅男女神邝洁楹 (Judy) 今日以新丁身份正式加入无线节目《学是学非》，仲收到公司送的道具花。问到Judy情人节需唔需要收花，她说：“我唔系特别喜好花，所以系唔需要嘅，有就当系bonus，咁如果收到都会开心，以前都有收过。”原来她不需要男友在节人节送花，仲系因为锡住对方个荷包：“最怕要喺呢啲节日使咁多钱，两个人一齐应该系大家互相锡住对方㗎嘛，佢使钱我都会肉赤。”

Judy话自己最想收到的情人节礼物是男朋友亲手做嘅嘢：“例如佢亲手煮餐饭畀我食，亲手整啲小手作畀我，会开心过收花，除非啲花系佢亲手种啦，咁就无敌。情人节买花特别贵，而且都好唔环保，啲花好快死，得个样，唔永恒嘅，反而胶花我都ok，最紧要系份心意，一齐享受下二人世界就得。”
 

而她最难忘的情人节是在美国读书时，身在香港的男朋友越洋送礼物给她：“𠮶时系Long Distance，佢一直都唔知我住喺边，因为佢从来都无问过我，点知原来佢偷偷问咗我哥我嘅地址，喺情人节send份礼物嚟。当接待处通知我有礼物收时，我仲以为系其他追求者，原来系佢送嘅，都好惊喜。”