【栋笃特工】做星爷御用编剧要考牌　李思臻：佢叫我返去写3场戏

《栋笃特工》在贺岁档期票房已经超过2500万，令黄子华终于摆脱票房毒药的称号，剧本除了子华之外，还有另一编剧李思臻，他的经历虽然没有特工这么曲折，但一样引人入胜，未入行前是山顶、浅水湾豪宅经纪，收入多少不用说，有笋工不做竟然走去当电影编剧，平均每月收入只得一万余，他说：“做编剧除咗要肯挨，亦要够癫，要唔忿气。当年人人叫我收手转行，但我唔忿气坚持继续做。”李思臻除了同黄子华合作，亦是《美人鱼》编剧，《美人鱼》国内票房35亿人仔，令李思臻在国内编剧界一夜爆红，他说：“部戏一落，就有个投资人出5百万人仔叫我写剧本，但我冇接拒绝咗，因为我知道佢醉翁之意不在酒，呢笔唔系编剧费，系介绍费。”500万掟埋嚟都唔要，李思臻果然系癫。

【栋笃特工】黄子华爆10大制作秘闻　“佘诗曼本来系揾我开剧先”

【栋笃特工】黄子华唔只票房收得　电视剧套套平均30点无人能及

一切由2000年说起，那时26岁的李思臻是豪宅经纪，一天，陪一位编剧朋友和监制在咖啡店度剧本，编剧和监制想不通一些情节，问这位观众意见，竟然启发了他们，监制问他有冇兴趣写剧本，胆粗粗的李思臻就答应了，那套电影是《黑道风云》，监制是雷宇扬，李思臻就这样入行当了编剧，但更神奇是放弃当豪宅经纪，李思臻说：“豪宅经纪同一般经纪有啲唔同，我哋要凑客，陪客买嘢、食饭、放狗都试过。𠮶阵我已经做咗三四年，觉得有啲厌，再加上果阵𠮶市好差，南区由每月二百几宗成交跌到得十几宗，咁啱有呢个机会咪试下啰，就试到而家喇；第一个剧本好似收两万定三万，唔记得咗，写咗三个月，收入同地产梗系冇得比啦。”

因为一次陪朋友倾剧本就入了行，看似顺风顺水，但编剧这条路在香港特别难行，他说：“你又几何会留意编剧系边个？电视台roller快到你睇唔到，只有套戏好差𠮶阵，你先会望下，哦，原来呢条友写。”李思臻入行后，试过一年写五六个剧本，但之后越来越少，08年是他最难挨的一年，经济、精神都有好大压力，连由细玩到大嘅兄弟都劝他收手，于是他就打算放弃转行，做桌球用品生意。正当公司装修好准备开张之际，他却收了一个改变他一生的电话：“向生（向华胜）想搅返电影，叫啲编剧上佢屋企倾下。”

“我当时谂咁多高人喺度，点会轮到我呀？但我想见下向生，呢位影坛巨人系点嘅呢？去到佢屋企都脚软㗎，好多出名编剧都喺到，我就缩埋自己坐喺度，大家就开始倾。”这个集思广益的大会，原来是“㨂卒”，向生一边观察那些编剧合适，最初有十人左右，慢慢来的人越来越少，最后剩返几个，李思臻是其中之一，他说：“到真系叫我写剧本，我唔知点算，我仲得唔得㗎呢？桌球生意又开始，有次衬向生饮咗两杯问佢‘我得唔得架？定系向生你觉得呢到我最后生，先俾机会我？我写到几乎家破人亡咁剂。不过向生同我讲你得㗎，我好少睇错人，你差啲基本嘢，差一啲机会，你跟曾谨昌学啦’”曾谨昌为星爷御用编剧，《食神》《少林足球》《功夫》全是他的作品。他说：“后来到真系叫我写剧本，我唔知点算，我仲得唔得㗎呢？如果写，桌球生意就要请人打理，于是有次衬向生饮咗两杯问佢‘向生，我做编剧做到家破人亡咁剂，其实你系咪真系觉得我得架？定系向生你觉得呢度我最后生，所以俾个机会我㗎咋？。’点知向生同我讲：‘你真系得㗎，我好少睇错人，你只系差啲基本嘢，差一啲机会遮。你好好跟曾谨昌学啦，只要你肯下功夫，我肯定你十年之内成为一线编剧’”

未遇到向生和曾谨昌之前，李思臻当编剧每月收入只得万几蚊，要不断做散job为持生计，原本想转行放弃，但竟然有人睇起，他决定重操故业，跟随曾谨昌学编剧，每日除了睡觉就是聊故事写剧本。他说：“昌哥系个天才疯子，曾经有一场戏，我写极佢都唔满意，话我唔止系咁。结果我搞尽脑汁写到第八稿佢先至收货，点知第二日昌哥又写咗一稿出嚟，我一睇…哗！真系精彩过我好多，唔到你唔服！”李思臻就是这样写了四年，有日，曾谨昌突然对他说：“你差唔多喇，下星期一带你见周生啦。”李思臻很记得见到星爷的第一天，他说：“哗，我紧张到企喺身同佢握手，佢叫我坐底，叫我唔驶咁紧张。”其实又怎会不紧张，首次见面亦是考牌日，星爷谈完故事就对他说：“你返去写一写头三场戏啦，写好打俾我。”那是《美人鱼》头三场戏，李思臻花了两天就写好了，可是反复修改了一星期也未敢交俾星爷，怕过不到关。于是他把剧本交俾师傅曾谨昌过目，但师傅拒绝，叫他自己有信心一点，结果考牌成功，李思臻和星爷合作三年写《美人鱼》。

《美人鱼》的成功令李思臻一铺上位，有人出到成层楼的价钱请他写剧本，但他亦拒绝，他说：“大陆啲排场吓死人，一个导演或编剧可以有经理人，两三个帮手保姆。佢哋点养到？国内一线编剧一个电影剧本起码三五百万人仔，写电视剧二三十万一集，一写就四五十集以上。香港无乜人留意编剧，但国内就唔同，突然间好多人走嚟结识我，吹捧我。我师傅昌哥叫我定啲，唔好飘，做自己嘢，我自己都经历过低潮，知道呢行花无百日红，所以我就收埋自己半年，谢绝所有应酬，沉淀一下自己。”曾经穷到裤穿窿，现在李思臻有自己的工作室，他希望帮到一众后辈，他说：“编剧成日不受尊重被人虾，我已经叫好好彩，无乜畀人走过数，哈哈。如果畀我重新再拣过，我都会拣返呢条路，因为自己真系钟意。虽然搞创作好辛苦，要迫到自己好尽先得，但当见到自己写嘅嘢响大银幕出现，感觉好正，满足到…唔识讲。”李思臻同星爷合作三年，当然有不少生活点滴，究竟星爷在片场点教戏？度桥系点？密切留意下集。