【三个女人】黄智雯演人格分裂律师大挑战：有病又唔讲得好痛苦！

黄智雯为担正做女一的无线新剧《三个女人一个“因”》出席宣传活动，穿上deep V贴身衫上阵的她相当性感，不过她就不认为是好sexy：“台庆仲犀利啦，呢件衫好安全嘅。其实我系想演绎出型格嘅感觉，配合返我个角色好奔放好wild嘅性格。”她又谓这个角色同现实中的自己也有相似之处：“似跳舞时嘅自己，好有自信。”

而今次她是演一个患有人格分裂症的律师，总共有三个不同的人格，对她演技方面当然是很大的挑战，难度亦很高，不过她却感到好开心：“可以话系我梦寐以求嘅角色，好有挑战性，可以突破我过去演过嘅角色，好过一直嚟自己嘅comfort zone度做重复嘅嘢。我花咗好长时间去准备，例如上网揾病例嘅资料，睇电影去参考同揣摩角色。演呢个律师难在佢系好压抑，有病又唔讲得，好痛苦。我自己真实世界都一定会有某啲嘢唔讲得畀人知，可能系少少嘅缺失同一啲秘密。”

提到明日就是情人节，智雯当然都会与男朋友一起庆祝，她还会下厨煮几味：“我钟意自己煮，同埋整啲小手作做礼物。”