【年初一】林淑敏下厨冧许家杰 谢芷伦越帮越忙“被开年”？
撰文： 洪晓璇
出版：更新：
又到新正头年初一，又系时候定立狗年新目标。林淑敏平时喺萤幕前，声大大劲霸气成日咆哮，不过谂起心上人就会变脸心心眼，大情大性深得观众喜爱。观众缘就好够啦，但感情方面就差啲啦，萤幕情人许家杰明明互有爱意都唔行多步，新一年林淑敏决定主动出击学煮嘢食﹗
场地提供：回味无穷印尼餐馆
要箍住男人个心首先要箍住佢个胃，林淑敏就谂到去学煮嘢食，要衬得起佢独特嘅品味同高贵嘅气质，点会系煎糕咁简单。电影剧情都有话，请得秘书返嚟，就紧系要佢帮手Arrange一啲嘢架啦。林淑敏一个电话打过去，小秘书谢芷伦即刻做嘢，揾到一款过时过节必食嘅印尼黄姜饭，唔会周街食到，而且又金又黄够晒矜贵，但十指不沾阳春水嘅佢地，到底煮唔煮得掂呢？