【无间道】罗仲谦包场同老婆杨怡睇《女儿国》 仲日日视像谈情

罗仲谦近年长驻内地拍戏，同老婆杨怡分隔中港两地，见面时间自然少了，努力为事业搏杀的他今年情人节难得可以休息，当然要同老婆好好庆祝一下。谦谦今日出席剧集《无间道》宣传活动时，就透露情人节晚会于圆方包场同老婆，以及200位亲戚朋友一齐睇他主演的电影《女儿国》庆祝，他说：“二人世界烛光晚餐呢啲几时都做得，送礼物都系，但要集齐200人一齐睇戏庆祝就好难得。”

谦谦长期在内地拍戏，他与身在香港的老婆杨怡又怎样维系感情呢？谦谦劲sweet地表示：“佢会飞过嚟探班㗎，仲成日话想嚟多啲，陪我多啲，但系我叫佢唔好啦，讲真喺片场又多灰尘，有时啲地方又远又隔涉，佢一个女仔要舟车劳动，其实都好辛苦，我叫佢喺屋企休息下，叹下好过啦，佢都冲咗好多年，唔想佢咁攰。”问到他老婆几耐会去探他一次，谦谦说：“通常两个月一次，会逗留一星期，我会check定晒啲期，知道𠮶几日唔使开工嚟陪佢，去旅行拍下拖。平时每日facetime倾偈就必须㗎喇，基本嘢嚟。”