邓丽欣角逐金像奖影后　方力申抽水：首先佢喺台上面要多谢我

邓丽欣（Stephy）凭著《空手道》首度角逐金像奖影后，不少人都替她高兴。不过巧合地，Stephy的前度男友方力申在今年亦有份投票，唔知小方会唔会额外加分俾Stephy呢？

方力申接受《香港01》访问时说：“我会好公平、好公正，唔公开咁去投呢一票嘅。（你心目中佢系咪女主角？）心目中佢一路都系女主角，佢一路都系好称职嘅女主角。所以我唔觉得佢有提名系一个意外，我觉得佢系值得嘅。其实我都系值得嘅，不过时候未到。”问到小方，他与Stephy的戏种有什么不同时，小方说：“我就乜嘢都拍嘅，因为冇一个角色系重复㗎嘛，我钟意拍喜剧。佢（Stephy）就钟意挑战自己多啲，会拣啲难道高啲，同埋向往拍一啲挑战自己演技同埋内心戏多啲嘅。”

这一次金像奖影后名单都相当有分量，不过很多人都甚为看好邓丽欣（Stephy）获得影后宝座。如果Stephy上台领奖，小方又会点样同Stephy庆祝呢？小方：“首先佢喺台上面要多谢我，佢多谢我我就会同佢庆祝。不过唔多谢我就唔庆祝。（点样庆祝？）都系一班人食饭啰，你哋想睇我点样锡佢呀？到时直播啰。（嗱，讲定㗎啦。）系呀，嘴对嘴又点话，我想啫，佢又未必肯，哈哈。”唔知道Stephy到时又肯唔肯嚟一个“世纪之吻”呢？