【郑子诚．专访一】以温兆伦借镜“表面无嘢内里阴险喺佢身上学”
《平安谷之诡谷传说》今个星期迎来结局篇，郑子诚饰演的贾东阳作为一个西医被村民当成兽医，因为对妻子的思念，竟将女儿（由简淑儿饰演的贾淼淼）当成自己的妻子，险成乱伦之祸，幸好及时出现了北杏（沈卓盈饰），两人亦因此产生了感情。子诚当初由《真情》李子浩而出位，不过却是奸出位，观众对他大骂特骂，自此一个“奸”字与他形影不离，“阴谋情人”（改自他主持的港台电台节目《音乐情人》）和“完美奸人”等等称呼亦随之而出。
“御用奸人”学温兆伦深藏肝气
作为一个TVB御用的奸人，子诚当然都会用自己借镜的对象，他说出了3个名字，3个现在都好少在TVB出现了，分别是任达华、温兆伦和罗嘉良。尤其是温兆伦更影响得他深远，他说：“我都会留意大家点去演绎唔同嘅方式，大家知己知彼，互相学习。第一我自己最钟意系任达华，当年佢喺TVB做嘅奸角系非常出色，一直都系我嘅学习对象。另外一个系温兆伦，佢𠮶种表面无嘢但内里极度阴险，某程度上我都系喺佢身上学返嚟，哈哈！佢本身个样唔系大奸，你谂佢靓靓仔仔斯斯文文，但系内里面蕴藏住嘅𠮶种奸气，一爆发就会杀你一个措手不及。呢两个我会系好钟意睇，捞家（罗嘉良）都系做得好正。”
没有最奸 只有更奸
由1996年加入TVB，第一份工作是担任《城市追击》主持，当时因为得到监制徐遇安赏识而被邀请加入《真情》。多年后，子诚其实都想重操故业，做返主持，曾经试过向公司提出，但TVB却希望他奸人的味道退一点才做其他东西，他说：“点知不但止洗唔到，仲要累积，所以都唔会谂呢样嘢。我有谂过做好人，但我记得我当初拍《真情》，子浩本来系个好人，但监制觉得我眉宇之间带点奸意。同埋好人难做，一个奸人一定系有一件事令你奸，特别我哋呢啲无深厚戏剧训练出身嘅人，有事件带住你去做，会易做好多。因为好人好多时系等事件发生，被动地接受，对我嚟讲系好困难，我唔会介意继续奸落去，应该咁讲，没有最奸只有更奸。”
奸都要炉火纯青 被骂便是“入屋”
如果拣TVB现役奸人，子诚会拣李国麟和李成昌，他说：“我睇住佢哋大，佢哋炉火纯青到一个地步系，做好人你会觉得佢好可怜，衰起上嚟你又觉得佢十恶不赦，呢啲咪成功啰。即系好似我做好人你唔会觉㗎嘛，呢个就系我嘅遗憾，佢哋成功地方就系做咩角色都俾人觉得系𠮶个角色，如果你俾我做个好人，啲人依然会觉得我会放火。”
一个演员，如果入戏入得太深，观众对他的印象自然会跟着该角色而形成，幸好近来大家都知道子诚这一面只是演出来，但当年初出道时形象难免被人觉得是坏人，甚至有人当街指责他，“呢啲成日都听，但而家少咗嘅，最听得多当然系《真情》嘅时候，啲人根本唔会同你讲嘢，只会俾个不屑嘅眼神你。当时个角色系抛妻弃子，任何一个身为人阿妈都唔想仔女变成咁，行出街见到啲阿妈，佢哋个眼神都几难顶，绝对feel到佢白眼我，佢唔会讲粗口嘅，但佢会同个仔讲呢个系衰人，唔好学呀。最惨系我听到，呢啲事喺《真情》期间成日发生，我都好难避免，因为太入屋喇。”
下一集会同大家讲郑子诚如果看香港电视业，密切留意！
想睇《平安谷之诡谷传说》更多访问？
【平安谷】变黑兼硬食馒头 乐瞳好抑郁：我嘅人生会唔会就咁完？
【平安谷】简淑儿拍落水戏全身湿透 女神好敬业：仲叫我唔好打底