[偶像练习生。访问]MC Jin好搞笑:GOT7王嘉尔细细个听我讲hip hop

由一众韩星主持的内地选秀节目《偶像练习生》已经播到第3集，讲到一众练习生要喺3日之内学识唱跳主题曲《Ei Ei》，不过表现欠佳嘅练习生就令到一众导师：EXO张艺兴Lay、GOT7王嘉尔Jackson、PRISTIN周洁琼Pinky同李荣浩发晒火！王嘉尔仲话：“宜家唔系讲笑，呢个机会系你嘅命，你唔可以拎你条命嚟开玩笑！”然后仲亲手送咗个“F”畀自己朋友秦奋，就连李荣浩都话只要（练习生）肯开声唱歌我就可以畀D佢。如果呢班《偶像练习生》咁参差，导师们又可以点帮佢哋改造佢成为一流偶像呢？

近日喺香港出席活动嘅MC Jin欧阳靖就接受咗《香港01》韩迷频道访问，讲返有关《偶像练习生》同跟其他导师嘅事。当中GOT7王嘉尔Jackson同MC Jin欧阳靖都系rapper，MC Jin对王嘉尔初印象系觉得呢个人好过瘾！喺拍《偶像练习生》时，Jackson仲同欧阳靖讲，其实大概十几岁时喺篮球埸见过MC Jin，𠮶时欧阳靖仲讲紧有关hip hop嘅嘢，而王嘉尔就听得好投入，仲将当时MC Jin所讲嘅嘢都放喺心上！

之不过，MC Jin就好搞笑咁话欧阳自己冇晒印象喇！但欧阳靖再补充：“每一次做一啲事，你计算唔到边个听紧，唔系特别要人睇住你去做一样嘢。”MC Jin话当王嘉尔同自己分享返呢件事时，就会觉得系一件开心事，又大赞Jackson将自己当年分享嘅组验真系放喺心上，多年之后仲可以以导师身份去接触大家真系好开心！

其实睇返《偶像练习生》，虽然GOT7王嘉尔同MC Jin做评审时都好认真，但当拍摄去到一定时间大家都攰𠮶阵，Jackson同欧阳靖都会炒热现场气氛，为练习生打气！喺《偶像练习生》第1集时又有同蔡徐坤讲笑话想要佢件黑色鱼网衫，当知道件衫原来系蔡徐坤粉丝送嘅时候，又叫佢叫粉丝送多2件畀王嘉尔同MC Jin两人真系集严师、暖男于一身啊！

韩国法案禁抄袭　Jackson王嘉尔Lay张艺兴@EXO嘅偶像练习生点算？

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/