《人生酒馆》高庚杓话嬲朴宝剑？　皆因家族面馆唔用自己做生招牌

韩国tvN电视台综艺节目《人生酒馆》，早前由高庚杓、曹在显以及《Running Man》成员全昭旻出演，以宣传新剧《Cross》。在《人生酒馆》中高庚杓就讲到同韩流巨星朴宝剑，拍完电视剧《请回答1988》后红起来之外，更因为呢套剧friend咗，仲一齐去咗美国同加拿大旅行添！

喺《人生酒馆》入面，高庚杓就讲起自己父母经营荞麦面面馆嘅事，本身呢间面馆系高庚杓爸爸退休之后先开嘅，初初高庚杓爸爸仲话唔会用高庚杓嘅人气嚟做绰头，要以味道嚟分胜负！

因为完咗《请回答1988》拍摄之后高庚杓就好忙，而超乖仔嘅朴宝剑就代替哥哥高庚杓去到仁川探佢嘅父母，高庚杓同高庚杓父母都当然好感谢朴宝剑咁有心啦！高庚杓父母当时仲同朴宝剑影相留念，仲贴埋喺面馆入面，但就因为咁引起高庚杓嘅误会！皆因高庚杓爸爸最初好有决心话唔用高庚杓来做生招牌，点知见到朴宝剑就即刻贴出嚟晒，搞到亲生仔高庚杓即时嬲嬲猪！好在同申东烨佢哋倾完之后，高庚杓都赞自己爸爸其实好可爱！

《人生酒馆》高庚杓谈及朴宝剑片段

《孝利家民宿2》边个揹少女时代润娥咁幸福？　朴宝剑即将出场！

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/