[脸红的思春期香港记者会]智煐:BOL4今年会跳舞　智润:MAMA未食够

Kpop组合BOL4脸红的思春期，今日在《Mikiki X BOL4 Concert in Hong Kong》记者会同现场粉丝影完大合照后，返回后台稍作整顿再接受传媒访问。BOL4脸红的思春期表示佢哋好钟意去旅行，而旧年因为《2017 Mnet Asia Music Awards in Hong Kong》（MAMA）知道要嚟香港，一早就已经揾定晒行程，好想食炒辣蟹、麻辣火锅、点心同埋饮奶茶等。有啲BOL4上次已经试过，而上次未试到嘅希望今次可以在香港食到！BOL4智润仲话自己好钟意食蛋挞，希望今次可以食到蛋挞先返韩国。

摄影：张颖伦　测试镜头：SONY SEL18135（2833 5129）

其后问到脸红的思春期2018年有咩计划时？BOL4智煐就话：“首先希望明日嘅香港演唱会可以留低美好回忆，而今年目标就系想畀大家见到更成熟嘅思春期。”而BOL4智润就希望大家身体健康，并承诺会制作出更多更好嘅作品，又话演唱会一定要有新嘢先好睇，如果大家想嘅话我哋更会好愿意表演舞曲畀大家睇！BOL4智煐都话：“我会努力唱好啲歌，如果大家真系想睇我哋跳舞嘅话都会努力练习㗎！”

最后BOL4脸红的思春期就讲到喺2017年接收到好多爱，又开咗个规模比之前大少少嘅演唱会，而2018年第一个海外演唱会又嚟咗香港，已经有一个好好嘅回忆！BOL4智润就话：“我哋好钟意去旅行，旧年去咗几次旅行，今次又嚟咗香港，希望可以得到灵感制作歌曲。”而BOL4智煐嘅愿望就十分搞笑，佢话：“今次希望睇到10秒以上嘅幻彩咏香江，因为上次嚟香港，去到嘅时候只系睇得10秒觉得好可惜！第二个愿望就系再嚟香港开演唱会，最后就希望比起去年制作更好嘅歌曲安慰大家，希望大家可以得到同感！”
 

（观看更多） 【脸红的思春期】智煐清唱《Galaxy》冧粉丝　智润好期待演唱会

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我们01韩迷的facebook专页Kpop 01已经开始喇！想知道更多韩国娱乐、饮食、玩乐、时尚资讯，快点去给like吧：https://www.facebook.com/hk01.kpop/