阮兆祥爱情长跑18年：不为满足别人而表演结婚
撰文： 冼燕珊
出版：更新：
呢排成日见到嘅阮兆祥，今日出席TVB剧集《性在有情》宣传活动，祥仔同女朋友Crystal爱情长跑踏入第十八年，每逢新年，佢最惊长辈问佢：“几时结婚呀？”佢解释点解咁多年都唔结婚：“唔想因为其他人嘅期望而去结婚，我唔会为咗满足其他人而去结一次婚俾人睇，结咗婚系咪会令两个人觉得幸福咗呢？我又觉得唔会，呢18年嚟，我同女朋友关系好稳定，反而见到身边好多人结咗婚好快又离婚，都无人嘅关系长过我哋。”
祥仔在现实生活中有稳定嘅另一半，但在剧集《平安谷之诡谷传说》中却只可以暗恋三太太顾曼仪（朱晨丽饰），最近剧情逐步暗示绑架小璇嘅人原来系佢饰演嘅陆家管家伍尚舜，点解佢要咁做呢? 祥仔露少少口风话:“原本平安谷有两大家族，伍家同陆家，伍家本来坐大，但家道中落，伍尚舜沦为陆家管家，佢所做嘅一切，其实系为咗重振家业。”