韩国法案禁抄袭　Jackson王嘉尔Lay张艺兴@EXO嘅偶像练习生点算？

韩国节目制作愈嚟愈好，喺节目结构、构思、想带出嘅意义、剪辑以及呈现出嚟嘅画面都制作得十分成熟，成功嘅节目当然就会令人想“参考”、“借镜”、“模仿”，好似早前嘅《中餐厅》对应《尹食堂》、《中国有嘻哈》对应《Show Me The Money》，就连近期讨论度好高嘅《偶像练习生》都系以《Produce 101》嚟做蓝本，直接韩文转做中文，睇返啲场地布景、服饰、打灯都好似copy and paste咁，如出一彻，真系好难令韩方一忍再忍。

今日韩国国会就通过法案，禁止外国抄袭本国文化产品及音乐，韩国教育文化体育观光委员会嘅李东燮（音译）议员提出嘅“文化产业振兴法修订案”和“音乐产业振兴法修订案”已经喺韩国国会会议中通过，李东燮议员仲为此表示：“本次修订案系为咗阻止外国盲目抄袭嘅行为，今后我国政府将对此类问题进行积极应对，两个法案都会喺今年7月30日正式实行。”

李东燮议员当时直指因萨德问题以及限韩令，中国禁止引入韩国电视剧、音乐等等，加上中国国内盗版风盛行，但韩国政府却因为外交问题无法出面对应，导致造成损失。加上近年，特别是中国反复出现抄袭韩国人气节目，如《三时三餐》、《丛林的法则》、《尹食堂》和《show me the money》等等，希望通过今次法案，韩方可以更积极保护自己嘅文化产品以及音乐知识财产权。

鉴于法案喺7月30日先正式实行，最近期令人哗然嘅《偶像练习生》就可以避过一劫，不过接落嚟中国会唔会无视韩国法案继续抄？定系讹称自己无抄？就要睇下嚟紧中国会有咩“对策”呢？

《偶像练习生》张艺兴睇穿练习生抄EXO同GOT7舞步：都是你编吗？

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/