森美发现绝世好桥悭利是：唔会去陈豪屋企拜年
撰文： 冼燕珊
出版：更新：
森美结咗婚十七年，每年新年派利是都大出血，派咗十几年利是，佢今日出席活动时，就笑言话年年新年要避年:“其实话就话避年，讲下笑姐啫，事实上全年都好忙，系得新年得闲啲，所以每逢新年都一家人去旅行轻松下。”
森美出名计仔多，派咗咁多年利是，佢发现一条绝世悭利是钱嘅好桥:“下年唔使避年喇，因为我有两个小朋友，只要我揾到啲无仔女或者得一个仔女嘅家庭拜年，咁就有赚喇!”基于呢个原则之下，连老死陈豪都无面俾:“一定唔会去陈豪度拜年架喇，因为佢有好多小朋友，各位用我呢条桥悭钱嘅朋友记住唔好去陈豪屋企拜年。”