李亚男IG宣布喜讯? 李亚男：期待我的Baby诞生
撰文： 冼燕珊
出版：更新：
李亚男日前在社交平台宣布喜讯：“期待我的Baby诞生。”唔好咁快恭喜佢住，亚男所讲嘅Baby其实系佢写嘅食谱咋，佢话好多人对于佢出食谱都好愕然，连佢自己都咁觉得，因为自己始终唔系厨房中人，但亚男话呢本唔系一本单纯嘅食谱，佢希望透过一名“煮妇”嘅成长经历，同大家分享什么是真正的爱。
亚男喺佢本书嘅序度话佢做咗人妻之后，多咗时间留喺屋企，初头好唔习惯，因为自己系一个贪玩的女孩，但当见到为工作奔波忙碌嘅丈夫，返到屋企唯一享受嘅，就系吃一餐用心烹调嘅煮家饭，从此开启亚男嘅煮妇之路。
+2
自从王祖蓝同李亚男结婚之后，大家都好关心佢地几时生BB，身边啲朋友都陆续有BB，睇得出亚男其实都好心急，奈何老公王祖蓝太忙，经常返内地拍综艺节目，又要打理经理人公司，最近仲做埋广西政协委员，应该都有排忙，希望两小口早日有自己真正嘅BB啦!