范冰冰细佬爱炫耀巨星家姐　范丞丞试过乱公开电话

有个巨星做家人，除咗可能会不时被追访偷拍，其实好处都真系唔少。范冰冰细佬范丞丞最近正式于内地选秀节目《偶像练习生》出道。顶住范爷光环被受触目实属正常，连带过去嘅一切都被翻出，除咗样貌之外，有网友仲揾出冰冰早年受访时，曾提及细佬将佢嘅电话号码随便公开，激到佢扎扎跳。

现年17岁嘅范丞丞，虽然同范冰冰相差19年，但冰冰对佢疼爱有加，不时分享姐弟合照，又喺节目中提起细佬。有网友翻出范冰冰2011年嘅访问片段，当中提及细佬范丞丞好钟意炫耀自己有个明星家姐，不时索取签名相，派俾同学及老师，仲曾经拎同学电话打俾冰冰，将佢嘅电话号码随便公开，激到佢扎扎跳。

范冰冰忆述事件时，都感到哭笑不得：“有一天突然收到陌生人电话，听到对方说“姐，我是丞丞”，以为他在学校出事，怎料丞丞回答：“我在学校拿同学的电话打给你。””范丞丞仲要家姐同佢嘅同学对话，吓到冰冰即时“命令”丞丞：“你要跟同学讲，这个不是你姐的号码，要把它删除。”估唔到范丞丞细个咁百厌，如果日日玩电话，范冰冰应该会有排烦。