【后生仔倾吓偈】冯盈盈语出惊人系遗传自爹哋：同佢比我甘拜下风

刚播出的一集《后生仔倾吓偈》相信睇得一班观众同网民都好有共鸣，因为题目是“令你又爱又恨的屋企人”大家一定好有感受啦。今集除了有麦明诗 (Louisa)、冯盈盈 (Crystal) 同陆浩明三位主持同几位大学生KOL，仲有蔡思贝同余德丞做嘉宾。虽然今集是出卖屋企人系列，不过他们都无讲屋企人坏话，证明他们同屋企人关系好好啦。而不时会畀人话语出惊人的Crystal，就大爆自己个老豆讲嘢比自己更爆更出位。

Crystal话：“我阿爸好钟意玩，成个大细路咁，讲嘢都几爆几出位，我同我阿爸嚟比，我真系甘拜下风。”原来Crystal的“口才”是遗传自她老豆，果然有其父必有其女。Crystal的老豆仲属于外貌协会，拣女婿系要睇样的。Crystal表示：“佢由细到大就教育我，阿女你第时拣男朋友知唔知最重要系咩？最紧要系要靓仔，你要对佢成世㗎㖞，你拣个唔靓仔嘅样衰嘅，咁点算呢？所以记得要拣个靓仔嘅。”做父亲竟然是教个女以貌取人，呢个阿爸真系非一般呀。